NAGPADAYON ang mga tinugyanan sa City Health Office sa gihimong 'active surveillance' ngadto sa mga health facilities pinaagi sa City Health Epidemiology & Surveillance Unit (CHESU) ug personahe sa Department of Health Region 10 alang sa pag-monitor sa kaso sa acute gastroenteritis (AGE) sa Cagayan de Oro.

 

Nagpahigayon usab og water sampling & testing diha sa barangay 24, 28, 26, 22 ug 27, adlaw’ng Sabado, Septiyembre 27pinangulohan sa CHO Environmental & Sanitary Inspectors kauban ang Cagayan de Oro Water District (COWD) aron masuta ang kalidad sa supply sa tubig sa mga komunidad.

 

Gipasabot sa CHO nga samtang naghulat sa resulta sa 'confirmatory testing' sa tubig, gi-aghat ang katawhan nga motuman sa mga pahimangno aron malikay sa sakit nga AGE.

 

Dumduman nga gi-activate sa milabay'ng semana, Septiyembre 22, ang CHO Incident Management Team aron paghimo sa tukmang lakang batok sa pagtaas sa kaso sa AGE. (AGP/Photos by CHO)