NAGKADAIYANG batakang serbisyo sa city hall ug partner national agencies ang napahimuslan sa katawhan sa Barangay Dansolihon diin gipahigayon ang Klarex nga Serbisyo sa Baryo, Oktubre 4, 2025 sa pagpangulo mismo ni Mayor Klarex Uy.

 

Gitunol sa Philippine Statistics Authority (PSA-10) ang mokabat 100 ka mga birth certificates, samtang 399 usab ka mga Philhealth member data record (MDR) ang gitunol sa Local Health Insurance Office.

 

Sa laing bahin 409 ang nakapahimulos sa Philhealth services sa City Health Insurance Office ug 55 kanila nakadawat sa dental services sa City Health Office.

 

Nagpahigayon usab ang JR Borja General Hospital og libreng tuli diin 11 ka bata ang nakapahimulos, 45 usab ang mipailawom sa eye-care services ug 28 sa ENT services (ear, nose, throat).

 

Kini tipik lang sa kinatibuk-ang frontline services nga gitanyag sa syudad pinaagi sa KSB. (AGP/Photos by Iren Fuentes & Johanne Abejo/CIO)