MIKABAT sa 672 ang nakabenipesyo sa gipahigayong People’s Day human gidala kini ni Mayor Klarex Uy ang pipila ka batakang serbisyo sa Brgy Tablon, karong adlawa, Lunes, Oktubre 6.

 

Atol sa People’s Day gipahigayon usab ni Mayor Klarex kauban ni Punong Barangay Romeo R. Baccaro ug Tablon Brgy Council ang flag raising ceremony, diin kinasingkasing nga nagpasalamat si PB Bacarro sa mayor human gitugotan kini sa hangyo nga ipahigayon usab ang Kasalan ng Bayan sa mismong People’s Day program.

 

Lakip sa batakang serbisyo nga gidala Barangay Tablon ang libreng check-up, tambal, lima (5) ka kilo nga bugas, wheelchair ug pagtubag sa inquiry kabahin sa scholarship, job application, late birth registration ug uban pa.

 

Sa laing bahin, mitambong usab sa People’s Day ang mga sakop sa 21st City Council nga sila Councilor Gigi Go, Alam Lim, Paolo Gaane, ug Eric Salcedo.

 

Tumong sa People’s Day ang mapaabot ang serbisyo sa City Hall sa mga katawhan sa dakbayan aron mas daghan pang makapahimulos niini. (DYM/Photos by Kim Zaldivar & Jhoanne Abejo/CIO)