PORMAL nga gibuksan sa kagamhanang lokal sa Cagayan de Oro ang weeklong exhibit alang sa ‘Tourism Week 2025’, pinaagi sa City Tourism and Cultural Affairs Office (CTCAO) sa pagpanguna ni acting City Tourism Officer Mark Kenneth Jalapadan, kauban si Vice Mayor Jocelyn ‘Bebot’ Rodriguez’ ug Department of Tourism Regional Director Marie Elaine S. Unchuan, Oktubre 6, diha sa event area, Limketkai mall, ning syudad.

 

Atol sa ceremonial launching gihingusgan ni Mr. Jalapadan ang kamahinungdanon sa turismo sa ekonomikanhong epekto niini sa lokal man o nasudnong paglambo.

 

Masaksihan ang weeklong exhibit diha sa Limketkai event area sugod Oktubre 6-10 kauban ang mga nagkadaiyang exhibitors nga gilangkoban sa Vjandep, Kasoy-Festival sa Barangay Lumbia, Cagayan de Oro Travel and Tours Association (COTTA), Cagayan de Oro Hotels ang Restaurants Association (COHARA), Eclectic Image Fashion Studio ug Oro Photographic Society. (AGP/Photos by Kim Zaldivar/CIO)