LAUMANG masulbad na ang problema sa tubig sa Brgy Iponan human misaksi mismo si Mayor Klarex Uy sa commissioning ceremony sa dugang bulk water supply nga itagana alang sa dili momenus 4,500 ka panimalay sa maong barangay.

 

Sa maong seremonyas, dako ang pasalamat ni Mayor Klarex sa South Balibago, usa ka pribadong supplier, nga pagadumalahon sa Cagayan de Oro Water District (COWD) sa pagpangulo ni General Manager Engr Edna Najeal ug sa Board of Directors niini.

 

Matud ni Mayor Klarex, ang maong kalamboan usa ka timaan sa pagpakita sa matuod nga panaghiusa tali sa lokal nga kagamhanan ug sa mga pribadong institusyon aron mas mapalambo pa ang serbisyo ug kaayohan sa katawhan ning syudad. (CIO/photos courtesy of CMO)