NAGTINABANGAY ang Office of the Building Official (OBO) ug ang City Engineer’s Office (CEO) sa pagpahigayon og post-earthquake assessment karong adlawa (Oktubre 10) sa nagkalain-laing dapit sa Cagayan de Oro City human nakasinati ang syudad og Intensity IV nga linog karong adlawa, Oktubre 10.

 

Gihatagan ug prayoridad ang mga eskwelahan ug ospital, pampubliko man o pribado, alang sa safety inspection, ingon man usab ang ubang mga establisyemento sa siyudad.

 

Sumala ni Engr. Ma. Rosanna Rodriguez, hepe sa OBO, tulo ka team ang ilang giandam alang sa visual inspection sa mga building aron susihon kung adunay mga liki o kadaot nga resulta sa linog.

 

Giawhag usab ang tanan nga mag-amping ug magpabiling alerto sa mga dugang pang anunsyo kabahin sa mga assessment nga pagahimoon sa OBO ug City Engineer’s Office.

 

Alang sa dugang kasayuran o mga hangyo para sa inspection, mahimo motawag o motext sa 09750382125. (MDS/Photos by OBO/CIO)