NATAPOS na sa Office of the Building Official (OBO), City Disaster Risk Reduction and Management Department (CDRRMD) ug City Engineer’s Office (CEO) ang unang hugna sa post-earthquake assessment sa tulo ka ospital sa siyudad, ang JR Borja General Hospital, Madonna & Child Hospital, ug Polymedic Medical Plaza.

 

Ang maong inspeksyon gibuhat aron masiguro nga walay kadaot o liki sa mga imprastraktura human sa nahitabong linog, karong adlawa, Oktubre 10, pasado alas 9 sa buntag.

 

Sumala ni Engr. Ma. Rosanna Rodriguez, hepe sa OBO, kini pa lamang ang unang hugna sa ilang assessment ug aduna pa silay sunod nga mga inspeksyon sa ubang parte sa siyudad.

 

Alang sa dugang kasayuran o mga hangyo para sa inspection, mahimo motawag o motext sa: 09750382125 - Office of the Building Official (OBO). (Photos by OBO & CDRRMD)