ALAYON sa kasaulogan sa 32nd Meat Safety Consciousness Week 2025 naghan-ay og mga kalihokan ang syudad ubos sa administrasyon ni Mayor Rolando `Klarex’ Uy pinaagi sa City Veterinary Office uban sa Meat Inspection Service (MIS).

 

Usa sa mga kalihokan mao ang pagpahigayon og Meat Fair sugod Okt. 13-17 diha sa city hall mini-park diin mapalit ang mga fresh meat ug process products ingon man mga poultry products.

 

Mag-display usab sa ilang lamian nga lechon ang kampyon sa milabay nga Higalaay Lechon Roasting competition nga mao ang Mias and Nenen Lechon.

 

Usa ka Meat Forum alang sa mga meat vendors sa kamerkaduhan ning syudad ang ipahigayon karong Oktubre 16 ning tuig.

 

Samtang gipahinumdoman ni Dr. Darryl Rasay, assistant dep’t manager sa City Vet ang katawhan nga sa pagpalit og karne diha sa kamerkaduhan kanunay pangitaon ang meat inspection certificate sa pagsiguro nga limpyo ug luwas ang ilang mapalit nga karne. (ALR/Photos by Roel Felicitas/CIO)