NASAKMIT sa City Health Office (CHO) ang duha ka mapasigarbuhong pasidungog atol sa Regional Health Summit and Harmonized Awarding 2025 nga gipahigayon adlaw’ng Martes (Oktubre 14) sa Pearlmont Hotel.

 

Ang unang pasidungog mao ang Top 5 Award alang sa Best Health Practices tungod sa bililhon nga kontribusyon ug aktibong partisipasyon sa pagpalambo ug pagpataas sa mga “good practices” sap ag-atiman sa panglawas atol sa maong regional summit.

 

Samtang ang ikaduhang pasidungog mao ang Top 8 Award alang sa Performance-Based Incentive Program, diin gipamatud-an lamang ang aktibong partisipasyon sa CHO sa programa alang sa mga Barangay Health Workers (BHWs), ilabina sa pagpanglimbasog sa implementasyon ug dokumentasyon sa mga maayong praktis sa pagdumala ug pagpalambo sa ilang mga BHWs.

 

Nakadawat usab ang CHO og P50,000 cash prize ug plaque of recognition isip kabahin sa maong mga pasidungog, nga personal nga gidawat ni Acting City Health Officer Dr. Rachel Dilla uban ang iyang mga staff. (MDS/CIO/Photos Courtesy to HEPU CHO-CDO)