Nagmalampuson ang Indigenous Peoples (Ips) General Assembly nga gipahigayon Oktubre 21 diha sa Cugman National High School ning syudad.

 

Gisugdan ang kalihokan pinaagi sa usa ka ritwal nga gipangulohan ni Baylan Sumagayan Benie Malinda. Kini gisundan sa motorcade ug mensahe sa mga bisita gikan sa nagkadaiyang buhatan sa city hall, national government agencies, non-government organizations, pribadong organisasyon ug IP sector.

 

Mihatag usab sa mensahe si City Administrator Atty. Roy Hilario Raagas, kinsa mirepresentar kang Mayor Klarex Uy.

 

Ang IPs assembly gisalmotan sa mga IPs cultural communities gikan sa Barangay Bayanga, Cugman, Dansolihon, Lumbia, Mambuaya, Tablon, Taglimao, Tagpangi, Tignapoloan ug Tumpagon alayon sa pagsaulog sa National IPs Month matag bulan sa Oktubre. (NLB/CIO/photos by Reynan Baylin/CIO)