SERYOSO ang syudad ubos sa administrasyon ni Mayor Rolando `Klarex’ Uy nga masulbad ang problema ug mahatagan og kahapsay ingon man disiplina ang palibot sa merkado sa Cogon ug dalan Osmeña.

 

Alayon niini, nakigtagbo si City Councilor Edgar Cabanlas, sa mga kadagkuan sa Night Market Management Committee (NMMC), Roads and Traffic Administration (RTA), Police Station 2, City Economic Enterprises and Business Development Administration (CEEBDA) ingon man mga punong barangay sa mga barangay palibot sa merkado.

 

Isip chairman sa committee on economic enterprise, gipadayag ni Konsehal Cabanlas nga ang pagmugna og mas praktikal, maayo ug lig-on nga regulasyon palibot sa merkado ang gihisgutan sa maong panagtigom alang sa kaayohan sa serbisyo publiko.

 

Gani, dili lang makausa apan sa makadaghang higayon nga gipahinumdoman ug gihangyo ni Mayor Klarex ang mga sidewalk vendors nga padayong nagsupak sa mga regulasyon ug ordinansa sa syudad nga dili na tugutang mamaligya sa sidewalk.

 

Matud ni Konsehal Cabanlas nga seryoso si Mayor Klarex sa tinguha nga mahapsay ang merkado. (ALR/Photos from Konsehal Cabanlas)