MAPASIGARBUHONG midawat ang City Health Insurance Department sa kagamhanang lokal sa 'Gawad Lingkod Kalusugan Award', atol sa gipahigayon nga Pahinungod Year 4 recognition ceremony nga gipasiugda sa Philhealth Region 10, Oktubre 23, 2025 sa usa ka hotel, ning syudad.

 

Mismo si CHI Department Manager Ms Roxanne Mae Absin-Ravidas kauban ang mga CHID division heads ang personal nga midawat sa nasangpit nga pasidungog gikan sa opisyales sa Philhealth 10 sa pagpangulo ni Regional Vice President Delio A. Aseron.

 

Laraw sa maong kalihokan nga pasidunggan ang tanang mga Philhealth partners ug advocates sa ilang dakong tampo sa katumanan sa Universal Health Care Program sa rehiyon.

 

Nasayran hugtanon ang suporta ni Mayor Rolando 'Klarex' Uy sa tanang mga kalihokan pagtanyag og Philhealth services sa komunidad ug sa mga tunghaan pinaagi sa Klarex nga Serbisyo sa Baryo matag Sabado, matag People's Day, SurUy-SurUy sa Baryo: Klarex nga Serbisyo sa Panlawas matag Martes ug Huwebes ug SurUy- sa Skwelahan. (AGP/Photos by CHID)