MIDUYOG si Mayor Klarex Uy sa kasaulogan sa ika-28th nga National Indigenous People’s (IPs) month, Oktubre 24, nga gipahigayon sa Misamis Oriental Integrated Sports Complex, ning siyudad.

 

Gipasabot ni Mayor Klarex nga ang IPs sector, sama sa tanang Kagay-anon, duol usab sa iyang kasingkasing ug siya kanunay mosuporta kanila ilabina kang City Indigenous Peoples Mandatory Representative City Councilor Roberto “Datu Makilala” Cabaring kinsa mirepresenta sa ilang sector.

 

Ang National IPs month sa siyudad, gisugdan pinaagi sa usa ka ritwal diin gisundan sa street parade nga gisalmotan sa 17 ka cultural communities ning siyudad, cultural presentation gikan sa nagkadaiyang ancestral domains, ug cultural dance competition nga gisalmotan sa mga nagkadaiyang IP groups.

 

Sa laing bahin, nagpaabot usab si Councilor Cabaring sa iyang annual IPMR address diin iyang gisaysay ang acoomplishment sa IPs sector ug gipahigayun ang mga padula kon Indigenous games ug cooking contest.

 

Ang kasaulogan sa National IPs month gipangulohan sa buhatan ni Councilor Cabaring ug City Social Welfare and Development (CSWD) Department IPs section pinangulohan ni Nena “Bae Rose” Lumandong ug National

Commission on Indigenous Peoples.

 

Tumong niini ang paghatag og bili sa mga IPs sector ilabina ning bulan sa Oktubre diin gisaulog ang National IPs month. (NLB/photos by Jhoanne Abejo/CIO)