KAPIN 80 ka mga stranded nga pasahero sa barko diha sa Macabalan port ang gihatagan og libreng panihapon sa kagamhanang lokal sa Cagayan de Oro pinaagi sa City Disaster Risk Reduction and Management Department ug City Social Welfare and Development Office, Nobyembre 3, 2025.

 

Dumdoman pinaagi sa Sea Travel Advisory gikan sa Coast Guard Station CDO kaganinang buntag, temporaryong gisuspende ang byahe sa barko nga padulong sa mga lugar kung asa adunay pagtaas sa Tropical Cyclone Warning Signal gikan sa PAGASA gumikan sa Bagyong Tino.

 

Ang maong kanselasyon sa byahe lakip sa precautionary measures nga gihimo sa gobyerno aron maiway ang mga pasahero sa peligrong kadaot dala sa daot nga panahon. (AGP/Aicy Soriano/CMO)