MISALMOT ang mga kawani sa kagamhanang lokal sa Cagayan de Oro sa gipahigayon nga 4th Quarter Nationwide Simultaneous Earthquake Drill (NSED) sa pagpanguna sa Office of Civil Defense, karong buntag, Nobyembre 6, 2025.

 

Gipangunahan sa City Disaster Risk Reduction and Management Department ug mga Safety Officers sa matag buhatan sa city hall ang gipahigayon nga earthquake drill sa tuyo nga ma-bansay ang mga empleyado sa ‘Duck, Cover and Hold’ panahon nga masinati ang pagtay-og sa yuta o linog.

 

Makita usab ang paghikling sa mga empleyado nga misalmot sa earthquake drill sa labing duol nga open-area sa Gaston Park.

 

Hugot nga gipahinumdoman ang publiko nga ang pag-igo sa linog dili man matagna, apan kini mahimo nga pangandaman kung masayod sa angay buhaton sa dili pa mo-igo, panahon nga mo-igo ug human sa pag-igo sa katalagman. (AGP/Photos by Kim Zaldivar, Reynan Baylin, Jhoane Abejo & Irene Fuentes/CIO)