MIDUYOG ang kagamhanan ning syudad sa National Food Fortification Day pinaagi sa pagpahigayon og forum pinangulohan sa City Nutrition Committee ubos sa pagpangulo ni City Nutrition Action Officer Caroline Cabunoc, adlaw’ng Biyernes, Nobyembre 7, diha sa City Health Office Training Room, ning siyudad.

 

Atol sa forum, gipasabot ang kamahinungdanon sa food fortification, lakip ang papel sa Food Fortification Program sa pakigbatok sa micronutrient deficiency, mga balaod ug polisiya nga nagsuporta sa food processing ug preservation.

 

Mihatag sa iyang mensahe si City Health Officer Dr. Rachel Dilla kinsa nagpahinumdum sa mga Barangay Nutrition Scholars sa ilang papel sa pagpakgang sa micronutrient deficiency sa kabarangayan.

 

Ang maong forum gisalmotan sa mga Barangay Nutrition Action Officers gikan sa nagkadaiyang barangay, ug mga miyembro sa City Nutrition Committee.

 

Kini ang unang higayon nga nagsaulog ang siyudad sa National Food Fortification Day, uban sa temang: “Strengthening our Nation through Nourished Generation.” (NLB/CIO/photos courtesy of CNC).