MAPASIGARBUHONG gitimbaya ni Department of the Interior and Local Government - Cagayan de Oro City Director Ellaine Josephine B. Depaur ang Barangay Balulang human makasulod isip usa sa 16 ka mga national finalists sa 'Search for the Ten Outstanding Barangay Initiatives' sa 2025 Galing Pook Awards.

 

Kini gi-anunsyo bag-uhay lang mismo sa official facebook page sa Galing Pook diin malampusong nakasulod ang official entry sa Barangay Balulang nga nag-ulohan; 'Balulang BUSkwela: Driving Child Development through Provision, Protection, and Participation'.

 

Ipahigayon karong Nobyembre 18, 2025 ang screening ug final presentation. (AGP/Photo supplied by Barangay Balulang Council)