USA ka joint Operation Plan (OpLan) aron maminusan ang epekto sa traffic congestion, illegal nga pagpamaligya, pagasaka sa gidaghanon sa basura ug uban pa’ng problema panahon sa Pasko ang gikatakdang ipatuman ning syudad.

 

Kini ang nasabutan sa mga kadagkoan sa Roads and Traffic Administration (RTA), City Economic Enterprises and Business Development Administration (CEEBDA), Night Market Management Committee (NMMC), City Information Office (CIO), Cagayan de Oro City Police Office (Cocpo), City Local Environment and Natural Resources Office (Clenro), uban sa mga punong barangay gikan sa mga barangay palibot sa Cogon Market atol sa coordination meeting nga gidumala ni City Councilor Enrico Salcedo, overseer sa RTA.

 

Una niini, gipatawag ni Kag. Salcedo ang mga opisyales sa night market vendors aron mapaabot ngadto kanila ang problema sa basura ug trapiko diin sila ang usa sa gitumbok nga hinungdan tungod sa wala nila pagsunod sa ordinansa ug gabayan sa syudad ilabina sa Night Market Committee.

 

Samtang mipadayag usab sa ilang kooperasyon ug suporta ang mga barangay officials sa higayon nga ipatuman na ang joint OpLan. (ALR/Photos by Roel Felicitas/CIO)