GIDALA sa Barangay Carmen ang laing hugna sa Klarex nga Serbisyo sa Baryo ni Mayor Klarex Uy nga gipahigayon sa West City Central School, adlawng Biyernes, Disyembre 5.

 

Dala ni Mayor Klarex ang libre nga serbisyo sa city hall sama sa health, personal care, employment, educational, agricultural, emergency response training, transportation and regulatory services, budgetary, registration and certification, ug uban pa diin miabot og 718 ang nakapahimulos niini.

 

Nagpaabot usab si Mayor Klarex sa iyang kinasingkasing nga pasalamat sa burukrasya sa city hall nga miduyog sa maong programa ug kanunay nagsuporta paghatud sa mga nagkadaiyang serbisyo ngadto sa publiko.

 

Dako usab ang kalipay ug pasalamat ni Mayor Klarex sa aktibong pag-abag sa Mercury Drug Foundation para sa ilang Operation Bigay Lunas nga naghatod og dugang serbisyong medikal nga naglangkob sa libreng consultation ug tambal sa laing hugna sa KSB ning tuig.

 

Ang Klarex nga Serbisyo sa Baryo gisugdan sa unang termino ni Mayor Klarex ug nagpadayon kini hangtud karong tuiga sa iyang ikaduhang termino, ug ang Brgy Carmen ug Brgy Gusa ang katapusang barangay nga makadawat sa maong serbisyo karong tuiga. (LRM/ videographer Tyrone Balhon/ video editor Jun Cañete/ photos by Jhoanne Abejo & Kim Zaldivar/CIO)