UNANG Non-Scalpel Vasectomy (NSV) malampusong gipahigayon sa JR Borja General Hospital (JRBGH).

 

Kabahin kini sa usa ka makasaysayanong lakang sa Women’s Reproductive Health Clinic (WRHC) o mas naila nga Family Planning Clinic sa JRBGH.

 

Nasayran nga ang Non-Scalpel Vasectomy (NSV) usa ka minimally invasive approach sa pag-opera, diin ang modernong pamaagi sa vasectomy masiguro ang mga pasyente nga gamay lamang nga samad ang pagabuhaton aron mas luwas ug dali ang recovery niini.

 

Ang unang operasyon sa NSV gipangunahan sa bag-ong NSV-certified provider ug Head of the Surgery Department sa JRBGH nga si Dr. Archie Thor Ponce.

 

Gilauman sa JRBGH nga kini kalampusan dili lang usa ka procedural ‘milestone’, apan usa ka timaan sa ilang tinguha nga mahimong komprehensibong family planning services provider ubos sa administrasyon ni Mayor Rolando ‘Klarex’ Uy. (DYM/CIO/Photos courtesy to the JRBGH)