Sugdan na sa lokal nga kagamhanan sa Cagayan de Oro ang tinuig nga business permit registration and renewal karong umaabot Enero 5, 2026, ug matapos karong Enero 20, 2026.

 

Bukas ang Business One-Stop Shop (BOSS) sa City Tourism Hall, adlaw’ng Lunes hangtud Biyernes, gikan alas-8:00 sa buntag hangtud ala-7:00 sa gabii aron pagproseso sa mga business permit applications, matud pa ni Mr. Jason Adaza, hepe sa Business Permits and Licensing Division (BPLD) sa City Mayor’s Office.

 

Sa tuyo nga mahatagan sa igong panahon ug oras ang mga negosyante sa dakbayan nga maka-renew sa ilang business permit, abri gihapon ang BOSS matag adlaw’ng Sabado ug Dominggo, dugang pa ni Adaza.

 

Aron dili na mahasol pagdalikyat sa city hall, gidaseg ni Adaza kadtong gusto magpa-renew sa ilang business permit sa paggamit sa online billing and payment system sa City Finance Department pinaagi niini nga link: citytreasurer.cagayandeoro.gov.ph (CIO)