GIHAN-AY na sa kagamhanang lokal sa Cagayan de Oro, mga ahensya sa gobyerno ug Jesus Nazareno Parish ang mga preparasyon sa tali-abot nga 'Traslacion 2026' alayon sa kapistahan sa 'Itom nga Nazareno' karong Enero 9, 2026.

 

Nunot niini, gipahigayon ang Traslacion 2026 coordination meeting karong adlawa, Disyembre 23, 2025 diha sa buhatan sa City Disaster Risk Reduction and Management Department sa pagpanguna ni CDRRMD Chief Nick Jabagat, key city hall departments, uban sa presensya sa taga-simbahan, ug uniform personnel sama sa Bureau of Fire Protection, Cagayan de Oro City Police Office, Philippine Coastguard, Task Force Oro ug uban pang volunteer groups.

 

Nag-unang gihisgutan ang mga security measures nga ipatuman, temporary traffic schemes, ug ang pagpakatag sa medical personnel aron masigurong luwas ug hapsay ang tinuig nga religious procession nga tambongan sa liboan ka mga deboto sa Mahal nga Itom nga Nazareno. (AGP/Photos by Moana Sagrado/CDRRMD)