MALAMPUSONG gipahigayon ang labing-unang hugna sa SurUy-SurUy sa Baryo, adlaw'ng Martes, Enero 27, 2026 diha sa Barangay Bonbon.

 

Kini usa ka community outreach program sa kagamhanang lokal sa Cagayan de Oro ubos sa administrasyon ni Mayor Rolando 'Klarex' Uy sa tuyo nga makahatag og dekalidad ug libre nga serbisyo sa panlawas sa katawhan.

 

Mapasalamaton si Barangay Kapitan Lelit B. Molina ni Mayor Klarex human gatosan ka mga molupyo sa Bonbon ang milinya sa nagkadaiyang serbisyo sama sa Philhealth registration and updating, medical consultation, dental ug eye-care services, pagpanghatag sa tambal ug uban pa.

 

Susamang serbisyo ang mapahimuslan usab sa katawhan sa Barangay F.S Catanico karong Huwebes, Enero 29 kung asa ipahigayon ang sunod nga SSB.

 

Ang programang SSB gipangulohan sa City Health Insurance Department uban sa hugot nga suporta sa City Health Office, JR Borja General Hospital, City Disaster Risk Reduction and Management Department, City Public Services Department ug mga Barangay Health Centers ug Barangay Council. (AGP/Photos by Jhoanne Abejo/CIO)