MAS gipasayon pa sa lokal nga kagamhanan ning syudad ang proseso sa mga city isolation units (CIUs) ug temporary treatment and monitoring facilities (TTMFs) aron paspas ang pagtubag sa nagpadayong pagsaka sa COVID 19 cases.

Matud ni Mayor Moreno kinahanglan nga mapaspasan ug hapsay ang pagbutang ug pag-follow up sa mga pasyente nga anaa na sa isolation units ug kadtong mga nagpositibo nga anaa pa sa ilang balay.

Dugang pa ni Mayor Moreno nga nagdugang na og mga facilities ug isolation beds ang syudad ingon man mga personahe gikan sa nagkalain-laing buhatan sa city hall aron dugang moatiman sa mga pasyente ug mga anaa sa isolation facilities.

Sa kasamtangan anaa pa sa 113 ang naka-home quarantine, mas ubos gikan sa 270 kagahapong adlawa. (ACM/Photos CHIO)