Friday, 02 July 2021 06:50

Vaccination roll-out sa syudad magpadayon

Written by
MAGPADAYON ang pagpamakuna alang sa 1st dose sa Sputnik V karong adlawa sa duha ka vaccination sites nga nahimutang sa Limketkai Center ug SM Downtown.
Matud ni Acting City Health Officer Dr. Wiliam Bernardo kinsa mao usab ang nagdumala sa vaccination program sa syudad, nga aduna pay 2,066 ka mga doses sa Sputnik V alang sa 1st dose.
Samtang aduna pa usab 12,333 Sinovac vaccines alang sa mga second dosers ug wala pa nahiapil niini ang 15,000 doses nga nadawat sa rehiyonal nga buhatan sa DOH kagapahong adlawa diin 7,500 doses niini ang gialokar alang sa 1st dose sa Cagayan de Oro.
Gipasabot ni Dr. Bernardo, kini nga mga vaccines sa Sinovac maoy gamiton usab sa padayong vaccination roll-out nga magpadayon sa Martes sunod semana hangtud sa ikatulong semana sa Hulyo.
Gidugang ni Dr Bernardo nga ang vaccination roll-out magpadayon ugma’ng adlawa Sabado sa SM Downtown ug sa Limketkai Center sa adlaw’ng Domingo. (ACM/CIO)