World Health Organization
Department of Health 
ANAA na sa kapin 1,800 ang kinatibuk-ang ihap sa bed capacity sa mga isolation units sa dakbayan human nagdugang ang CDO LGU og 189 beds alang sa temporary treatment and monitoring facilities ug 150 beds alang sa city isolation units.
Tungod niini, mikabat na sa 603 ang bed capacity sa mga CIUs, diin gi-isolate ang mga close contacts ug mga indibidwal nga nagpakita og simtomas sa Covid-19.
Samtang 1,144 na usab ang bed capacity sa mga TTMFs kung asa nag-kwarantina ang mga asymptomatic ug mild cases.
Basi sa inisyal nga computation, mokabat sa P44,310 ang gibana-banang magasto sa syudad sa matag indibidwal nga mopailawom sa dili moubos sa katorse (14) ka-adlaw nga mandatory quarantine.
Lakip sa mga serbisyo nga gitanyag sa quarantine facilities ang contact tracing, extraction and reintegration, accommodation, libreng pagkaon ug hygiene kits, RT-PCR test, disinfection, mga tambal ug vitamins. (SPP)
