World Health Organization
Department of Health 
Nadawat na sa CDO-LGU ang pundo nga balor og P9.5 milyones alang sa Special Risk Allowance sa mga kawani sa JR Borja General Hospital ug City Health Office.
Kini ang gibutyag ni Mayor Oscar Moreno atol sa virtual press briefing kagahapong adlawa, Agosto 19, diin iyang gipasalamatan ang rehiyonal nga buhatan sa Department of Health 10 sa pag-download sa SRA funds ngadto sa syudad.
Sigun pa sa mayor nga duha ka tranches ang nadawat sa syudad niadtong Miyerkules, Agosto 18.
Ang unang tranche nagbalor og P2,931,024 milyones, samtang ang ikaduhang tranche nagbalor og P6,573,012 milyones kon P9,504,036 milyones ang kinatibuk-ang nadawat sa syudad, dugtong pa ni Mayor Moreno.
Nanghinaut si Mayor Moreno nga madawat na sa daling panahon ang Special Risk Allowance sa mga kawani sa JRBGH ug CHO, kinsa giila nga mga ‘unsung heroes’ sa pakigbatok sa Covid-19.
Ang kwalipikadong makadawat sa Special Risk Allowance mao kadtong mga public health workers sama sa medical, allied medical ug uban pang kawani nga na-assign sa pampublikong ospital ug healthcare facilities aron pag-atiman sa mga pasyente sa Covid-19. (IAF/CIO)
