World Health Organization
Department of Health 
GIKLARO ni Atty. Jose Edgardo Uy, RCB Chairman, nga padayo’ng gidili ang pag-operate sa mga internet cafe ug pisonet dinhi sa dakbayan sa pagpatuman sa Modified Enhanced Community Quaratine (MECQ) hangtod Agosto 31.
Ubos sa Omnibus Guidelines sa IATF nga gilagdaan niadtong Agosto 5, ang mga internet cafe ug pisonet lakip sa gi-ila nga recreational venues diin gideklara kini nga "not permitted to operate" sa panahon sa ECQ, MECQ, ug GCQ.
Mahimo lamang kini mobalik pag-operate sa 50% capacity kung mapailawom na ang dakbayan ubos sa MGCQ kon Modified General Community Quarantine.
Isip pagpatuman sa mga gabayan, gipahigayon sa Regulatory Compliance Board (RCB) ang monitoring and inspection sa Brgy. Tablon diin ubay-ubay ka mga operators ang nagpadayon og operate sa internet cafe ug pisonet diin na-rescue usab ang pito (7) ka menor de edad atol sa maong RCB operation. (SPP/Photos by Reynan Baylin)
