World Health Organization
Department of Health 
ANDAM na moparada ang napulo (10) ka mga competing ‘mini rela’ kon miniature motorela karong Agosto 27 atol sa ipahigayon nga Higalaay Parada Minirela, usa sa mga virtual core events sa Higalaay Festival 2021.
Kini ang pinakaunang higayon nga masaksihan ang usa ka virtual parade diin ipasundayag sa mga local artists sa dakbayan ang mga handcrafted nga miniature version sa tradisyonal nga sakyanan sa dakbayan, ang motorela.
Sa maong kalihukan, makita usab ang siyam (9) ka mga non-competing entries gikan sa lokal nga kagamhanan diin adunay lain-lain nga tema sa kada entry sama sa frontliners, Sr. San Augustine, Water Tower museum, upat ka sister cities, city council ug city hall.
Ang mga mananaog sa kompetisyon makadawat sa mga trophies ug P10,000 sa champion, P7,000 alang sa 2nd place, ug P5,000 sa 3rd place.
Masaksihan ang Higala Parada Minirela sa bisperas sa kapistahan ni Sr. San Augustine pinaagi sa Music & The City FB page, Cagayan de Oro City Philippines FB Page ug Parasat Channel 45 sa alas 10:00 sa buntag. (SPP)
