World Health Organization
Department of Health 
Trese (13) ka mga bag-ong kaso sa Delta variant ang na-detect dinhi sa Cagayan de Oro, sigun pa sa taho ni Dr. Ted Yu, medical officer sa City Health Office ngadto kang Mayor Oscar Moreno atol sa daily presser kagahapon, Septiyembre 6, 2021.
Ang mga bag-ong Delta variant cases naggikan sa barangay Canitoan (1), Balulang (2), Tablon (1), Carmen (1), Macasandig (1), Gusa (3), Barangay 24 (1) ug Lumbia (3).
Walo sa mga bag-ong Delta variant cases pulos lalake, samtang lima ang babae.
Matud pa ni Dr. Yu nga duha ka batches sa mga samples nga gipadala didto sa kaulohan ang nakuha niadtong Agosto 1 hangtud 3, ug Agosto 14 hangtud Agosto 17.
Ang 13 ka mga kaso mao na ang ikapito nga batch sa Delta variant dinhi sa syudad, diin moabot na sa 71 ang natakdan sa ‘highly transmissible’ nga virus, dugtong ni Dr. Yu.
Hinoon, gipasabot ni Dr. Yu nga gipaspasan na karon ang extraction sa mga pasyente aron madala gilayon sa isolation facilities, lakip ang contact tracing sa ilang mga first ug second generation close contacts. (IAF)
