World Health Organization
Department of Health 
PABILING taas o anaa sa modified enhanced community quarantine (MECQ) ang risk classification sa Cagayan de Oro subay sa hospital care utilization rate kon HCUR nga anaa sa 79.87%.
Kini sigun sa datos sa FASSSTER Philippines, September 4, atol sa daily presser ni Mayor Oscar S. Moreno kagahapon, September 6.
Ang HCUR naglangkob sa utilization rate sa isolation beds, critical care beds ug mechanical ventilators alang sa mga COVID-19 patients.
Kagahapon, gi-anunsyo sa National Inter-Agency Task Force batok COVID-9 nga extended ang MECQ status sa syudad gikan September 8-30 ning tuig.
Sa iyang report, gibutyag ni Mayor Moreno nga muabot sa 896 ka mga Kagay-anon ang admitted sa nagkalain-laing ospital human mataptan sa virus.
Sa maong ihap, 77 ang admitted sa Northern Mindanao Medical Center - Emerging and Re-emerging Infectious Diseases enclosure, 48 anaa sa CEREID sa San Simon, 763 ang anaa sa ubang ospital ug 8 ang admitted sa ospital gawas sa syudad.
Walay hunong ang panawagan sa syudad ngadto sa katawhan nga maglikay sa mga tapok-tapok, ug kanunay nga magtuman sa minimum health protocols, ug magpabakuna na batok COVID-19 kung imoha na nga schedule. (AGP/CIO)
