Wednesday, 15 September 2021 07:31

Kompanya gipasalamatan sa syudad tungod sa pagpahulam og duha ka bus

Written by

Usa ka resolusyon ang gipalabang sa konseho bag-ohay lang nga gidumala ni Vice Mayor Raineir Joaquin V. Uy agi’g pagpadayag sa dakong pasalamat sa syudad ngadto kang Romeo G. Jalosjos, Chairman Emeritus sa Romgarjal Group of Companies, tungod sa tabang ug suporta sa kompanya sa pakigbatok sa syudad kontra Covid-19.

May be an image of 1 person, standing, sitting and indoor

Kahinumduman nga nagpahulam ang nasangpit nga kompanya og duha ka Dakak Fantasyland bus aron magamit sa syudad sa paghatud-kuha sa mga medical frontliners.
 
No photo description available.
Sa iyang sulat sa konseho, gibutyag ni City Mayor Oscar Moreno nga ang maong kompanya maoy usa sa pinakauna nga mitanyag sa syudad sa ilang transportation assistance.
Human sa usa ka tuig ug unom ka bulan nga ‘tour of duty’ sa pagserbisyo dinhi sa Cagayan de Oro, mobalik na ngadto sa Dapitan City ang duha ka bus, uban ang driver niini, butyag ni Mayor Moreno.
Sa iyang kabahin, si Nick Jabagat sa City Disaster Risk Reduction Management Office (CDRRMO), nagkanayon nga ang inisyatiba sa kompanya dako kaayo og tabang sa transportation needs sa syudad.
 
May be an image of 1 person, sitting and indoorMay be an image of 1 person, standing and indoor

Ang resolusyon gipaluyohan sa committee on laws and rules ni City Councilor Edgar S. Cabanlas ug City Councilor Maria Lourdes S. Gaane. (IAF)