Thursday, 16 September 2021 07:07

Mayor Moreno mas pabor sa PDITR strategy batok Covid-19

Written by

Mas pabor si Mayor Oscar Moreno sa istratehiya sa gobyerno nga Prevent, Detect, Isolate, Treat and Rehabilitate kon PDITR kay sa granular lockdown aron masumpo ang Covid-19.

May be an image of 1 person, sitting and indoor

 

Kini ang obserbasyon ni Mayor Moreno ilabina sa pagpugong sa pagkaylap sa ‘highly transmissible virus’ nga Delta variant.
Nakit-an sa mayor nga dili na epektibo ang pagpatuman sa localized focused containment kon granular lockdown nga gihimo sa syudad sa kapin 40 ka lugar sa miaging tuig.
Sigun pa ni Mayor Moreno nga lisod ang pag-sustenir sa mga kapolisan, barangay tanod ug mga sakop sa CDRRMD sa pagpatuman sa granular lockdown, ilabina nga 24 oras sulod sa 14 ka adlaw ang pagbantay sa maong komunidad.
 
May be an image of standing and road
Samtang sa PDITR strategy, makasiguro ang syudad nga dili na makatakod ang mga nagpositibo sa virus, apil ang ilang mga close contacts, tungod kay masulod naman dayon sila sa mga isolation facilities alang sa swabbing ug testing, hinungdan nga mapugngan gayud ang pagtakod-takod sa ubang mga tawo.
Hinoon, gipamugos sa mayor nga makawang lang ang paningkamot ug pakigbisog sa syudad kontra sa virus kung wala ang hugot nga kooperasyon sa katawhan.

Subling gipadayag ni Mayor Moreno nga importante kaayo ang hugot nga kooperasyon sa katawhan niining atong pakigbatok sa Covid-19 pandemic, ilabina ang pagsunod kanunay sa minimum public health standards. (IAF)