World Health Organization
Department of Health 
GIPAHIBALO ang tanang first dose vaccinees nga karong adlawa, September 17, abri na ang Gaisano Mall nga modawat og walk-in nga sakop sa priority groups A1, A2, A3, A4 ug A5 sugod alas 9:00 sa buntag hangtod alas 4:00 sa hapon.
Magpadayon usab ang walk-in sa Limketkai Mall, alas 8:00 sa buntag kutob alas 5:00 sa hapon.
Sa laing bahin, modawat ang SM Downtown, SM Uptown ug Cugman Elementary School og walk-in sa first dose vaccinees sa A1, A3 ug A4 sugod ala-una hangtod alas kuatro sa hapon.
Ang buntag alang lamang sa texted vaccinees sa A1, A3, ug A4, ug walk-in nga A2 ug A5.
Gipanawagan ang tanang mga sakop sa nasangpit nga category sa pag-adto sa mga vaccination sites ug magpabakuna.
Tanang brands sa bakuna nga gigamit sa CDO COVID-19 vaccination team adunay emergency use authorization gikan sa Philippine Food and Drug Administration ug napamatud-ang luwas ug epektibo. (AGP/Photo by Reynan Baylin/CIO)
