World Health Organization
Department of Health 
Mikanaog na sa moderate risk gikan sa high risk ang healthcare utilization rate kon HCUR sa Cagayan de Oro.
Kini ang gibutyag ni Mayor Oscar Moreno kagahapon human mitala ang syudad og 67.50 percent average HCUR as of September 14, mas ubos kung itandi sa 74.25 percent niadtong September 13.
Sumala sa data sa Fassster Philippines, anaa na sa moderate risk ang isolation bed nga 60 percent, mechanical ventilator nga 52.38 percent, ug two-week growth rate nga -34.
Hinoon, nagpabilin pa gihapon nga high risk ang intensive care unit utilization nga anaa sa 90.12 percent, ug average daily attack rate kon ADAR nga anaa sa 15.11.
Positibo si Mayor Moreno sa gipakitang mga datos, ug malaumon kini nga masustenir sa syudad ang pag-ubos sa healthcare utilization rate pinaagi sa kooperasyon sa katawhan sa pagsunod kanunay sa minimum public health standards. (IAF/CIO)
