World Health Organization
Department of Health 
ANAA na lamang sa walo (8) ka active Delta variant cases ang kasamtangang giatiman sa city isolation units human mitala ang syudad og dugang usa (1) na usab ka Delta variant kagahapong adlawa.
Sa taho ni Dr. Teodoro Yu Jr., medical officer sa City Health Office atol sa daily presser sa City Hall adlaw’ng Martes, nasayran nga usa ka 30 anyos nga lalaki nga adunay history sa pagbiyahe sa Region 9 nga may kalambigitan sa trabaho niini ug na-admit sa usa sa mga hospital sa maong rehiyon tungod kay nagpositibo sa COVID 19.
Dugang ni Doc Ted, na-discharged na ang maong pasyente isip clinically recovered ug mipauli na sa Cagayan de Oro aron tumanon ang dugang adlaw sa kwarantina sa iyang panimalay. Apan nalakip ang iyang swab sa mga gipadala sa Philippine Genome Center sa kauolohan ug positibo kini sa Delta variant ug nadawat lamang sa City Health Office kagahapong adlawa.
Matud ni Doc Ted, anaa na karon sa isolation facility ang maong pasyente, uban ang 1 ka close contact niini.
Sa kasamtangan, mokabat na sa 82 ka mga Delta variant cases ang natala sa Cagayan de Oro, diin walo na lamang ang anaa sa isolation facilities, samtang 65 na ang adunay negative RT-PCR result; 7 ang natalang patay ug 2 ang gi-retag sa laing dapit.
Sa maong mga cases, 228 ang natalang high risk close contacts, diin 218 ang negatibo sa RT PCR, ug 10 pa ang naghulat sa swab result. (ACM/File Photos/CIO)
