Usa ka pundok sibiko ang miduyog ug misuporta sa vaccination rollout program sa Cagayan de Oro City.
Kini human gilusad sa JCI Kagayhaan Gold ug mga partner sponsors ang advocacy campaign nga gitawag og “Operation: Vaxx The Nation”, diin makadawat og mga ganti ang mga mananaog nga partisipante.
Ang unang buhaton sa mga partisipante sa “Operation: Vaxx The Nation” mao lang ang pagpabakuna sa first dose sugod karong adlawa, Septiyembre 23 hangtud Septiyembre 30 ning tuig.
I-post dayon ang picture, kauban ang imong vaccination card, sa imong Facebook wall uban sa hashtag nga #JCIKG ug #VaxxTheNation. Siguradohon lang nga makita ang petsa sa vaccination card, ug naka-public ang post.
Ang 10 ka mananaog makadawat og Petron gas vouchers, ug 20 usab ang makaangkon og tag-lima ka kilo nga bugas.
Atangi ang raffle draw karong Septiyembre 30, 2021, alas-8:00 sa gabii sa Facebook page: JCI Kagayhaan Gold. (IAF/CIO)