SUBLING gipahinumduman sa mga otoridad ang mga residente nga gipatuman pa gihapon dinhi sa dakbayan ang curfew hours sugod alas 9 sa gabii hangtod alas 5 sa buntag tungod kay ubos pa kita sa modified enhanced community quarantine (MECQ).

Sigun ni Major Evan Viñas, COCPO Spokesperson, moabot na sa tag 3- digit kon gatusan ka mga ordinance violation receipts ang gina-issue sa kapulisan matag adlaw og kadaghanan niini tungod sa curfew violations.

 

 

Aktibo usab ang Regulatory Compliance Board (RCB) sa pagpatuman sa maong gabayan, diin ubay-ubay na usab ang nasapon nga nakalapas sa curfew hours samtang nag-inom sa kadalanan o’ gikan sa dili essential nga lakaw.

 

Giaghat usab ang katawhan hilabina kadtong buot magparehistro isip botante diha sa COMELEC Registration Site nga anaa sa SM Downtown Premier nga sundon gihapon ang curfew policy ug dili maglinya gawas sa mall sa oras sa curfew.

 

Ang kalapasan sa maong gabayan mahimong silotan ubos sa city ordinance no. 13855 diin makita ang mga multa alang sa community quarantine guidelines violation dinhi sa dakbayan. (SPP/file photos)