Friday, 01 October 2021 08:39

CdeO, gipaubos na sa mas luag nga GCQ w/ heightened restrictions sa usa ka bulan

Written by
TUNGOD sa padayong pag-ubos sa mga kaso sa COVID 19 sa Cagayan de Oro, giuyonan ang hangyo ni Mayor Oscar Moreno sa National IATF ug gipailawom na lang ang syudad sa General Community Quarantine (GCQ) with heightened restrictions gikan sa Modified Enhanced Community Quarantine (MECQ) gikan Oktubre 1 hangtud 31 ning tuig.
 
May be an image of 1 person and sitting
 
Sa sulat-hangyo ni Mayor Moreno kang DOH Secretary Francisco Duque III, iyang gisaysay ang pag-ubos sa mga kaso gikan sa 151 sa week ending August 16 ngadto sa 45 daily cases sa week ending September 17.
Samtang, dako usab ang pagkunhod sa Average Daily Attack Rate (ADAR) sa syudad nga mitala na lamang og 8.75% niadtong September 29, kompara sa 27% niadtong Agosto.
 
Malaumon si Mayor Moreno nga moubos pa kini sa 7% sa umaabot nga mga adlaw sa padayong pag-ubos sa mga kaso.
Subay niini, padayon usab ang hangyo ni Mayor Moreno sa kooperasyon sa katawhan sa kanunay’ng pagsunod sa minimum public health standards ug sa pagpabakuna aron mas moubos pa ang kaso sa umaabot nga mga adlaw.
 
Una nang gipasabot ni Dr Ted Yu sa City Health Office, ingon man ni Dr. Gina Itchon sa Northern Mindanao Medical Center (NMMC) nga dako og epekto ang pagpabakuna, sanglit menos na man ang naabot sa severe to critical cases nga nanginahanglan og hospital admissions.
Apan bisan pa man nga anaa na sa GCQ ang Cagayan de Oro, istrikto pa gihapong ipatuman sa syudad ang mga gabayan sa maong quarantine classification aron masustenir ang pagkanaog sa mga nataptan sa COVID 19. (ACM/CIO)