Friday, 01 October 2021 08:40

BAIKINGON NAT’L HIGH SCHOOL (Oct. 1, 2021)

Written by
Hingpit nang mibarog ang 12-classroom, 3-storey Baikingon National High School building sa barangay Baikingon ning syudad nga balor og P16.8 milyones.
 
May be an image of tree
Ang katukoran sa maong tunghaan sa sekondarya maoy tubag sa katumanan sa dugay nang gidamgo sa mga opisyal sa barangay, mga magtutudlo, estudyante ug kinatibuk-ang katawhan sa barangay Baikingon sulod sa taas-taas nga panahon.
 
May be an image of outdoors
 
Nasayran nga magbaktas pa og pipila ka kilometro ang mga estudyante sa maong barangay aron lang makatungha sa high school nga nahimutang sa mga kasikbit nga barangay sa Canitoan ug Iponan.
 
May be an image of outdoors
 
Ang proyekto gigastohan sa kagamhanan ning syudad pinaagi sa Local School Board ubos sa pamunoan ni Mayor Oscar Moreno isip LSB chairman. (IAF/photos by Jomar Figuracion)