GIDAYEG ni Mayor Oscar Moreno ang CSWD Psychosocial Division sa pagpaningkamot niini sa paghatag og alibyo sa mental health concerns atol sa ‘World Mental Health Week’ nga gisaulog bag-ohay lamang.
Tipik sa mga serbisyo nga gitunol sa maong buhatan ang paghatag og Psychological First Aid (PFA) ngadto sa mga nasunogan, pamilya sa mga namatay human naghikog, mga frontliners kinsa nagserbisyo taliwala sa pandemya,
pagbutang sa mental health corners sa matag barangay, pagbansay sa mga VAW Desk workers, mga staff sa simbahan ug magtutudlo sa panahon ning online classes.

Kasamtangan, gihingusgan sa CSWD Psychosocial Division ang mental helpline sa numerong 0975-840-3585 alang sa mga Kagay-anon nga nakasinati og mental health problems.


Gawas niini, anaa usab ang hotlines nga 0955-885-2735 ug 0948-560-2819 nga giabagan sa Xavier University alang niadtong nataptan sa COVID-19 ug anaa sa City Isolation Unit ug Temporary Treatment and Monitoring Facility. (Nica Borja/CIO)