GIBAWAL pa gihapon ang pagbukas sa mga indoor non-contact sport courts or venues, outdoor courts for contact sports, ug indoor sport, courts, or venues for contact sports ubos sa General Community Quaratine with Heightened Restrictions.

 

Kini giklaro sa Regulatory Compliance Board (RCB) sa mga indibidwal ug grupo nga buot magbukas sa mga sports courts ug venues o' magdula sa mga sport activities nga kasamtangang gibawal sa mga gipatuman nga gabayan sa dakbayan.

 

 

Tungod niini, ubay-ubay na usab ka mga basketball rings ang nakompiska sa mga opisyal sa barangay lakip mga gamit sa billiard halls nga nasapon nga nagpadula gihapon taliwala sa mga pahinumdom.

 

Mahimong makuha ang mga nakompiska nga gamit kung itugot na ang pagbukas sa mga sports courts or venues o' kung mahimo nang magdula balik sa maong mga sports activities.

 

Adunay multa nga gahulat alang sa mga masapon nga nakalapas sa mga gabayan ubos sa ordinansa sa dakbayan, IATF guidelines ug R.A. 11332 kon Mandatory Reporting of Notifiable Diseases and Health Events of Public Health Concern Act. (SPP/CIO - file photos)