MISALMOT ang mga miyembro sa LGBT community ning syudad sa libre’ng Financial Management and Skills Training nga gitanyag sa Livelihood Section sa City Social Welfare and Development Office niadtong Oktubre 27 ning tuig.

 

 

Nahimong posible ang maong programa pinaagi usab sa tabang sa Department of Labor and Employment kinsa maoy naghatag og pundo ug ang Maven Center for Learning and Entrepreneurship, Inc. nga nangulo sa pagbansay sa mga benepisyaryo sa insaktong pamaagi sa hairstyling.

 

 

Libre’ng gitanyag ang programa alang sa nagkadaiyang mga grupo ug sektor sa dakbayan isip tabang alang sa mga nanginahanglan og panginabuhian hilabi na ning panahon sa pandemya nga ubay-ubay ang nawad-an sa trabaho.

 

 

Alang sa dugang detalye sa programa ug mga interesado nga molambigit niini, mahimong mobisita sa Community and Social Devt. Division of CSWD – Cagayan de Oro City Facebook page. (SPP)