MOKABAT sa 777 ka mga residente sa Barangay Bayanga ning syudad ang nabakunahan pinaagi sa duha ka adlaw nga mobile vaccination, Nobyembre 3-4.
Sa maong gidaghanon, 723 niini ang first dose vaccinees, samtang 54 usab ang nahatagan sa second dose.
Atol sa pagpamakuna naka-standby ang ambulance vehicle sa City Disaster Risk Reduction Management Department ugaling adunay makasinati og adverse events following immunization o AEFI.
Karong adlawa November 5, ang mobile vaccination team pinangulohan sa City Health Office ug City Health Insurance Office moadto sa Barangay Dansolihon. (Text and Photos by AGP/CIO)