KUSGANONG giaghat ang Indigenous Peoples’ sector sa pagpahimulos sa libre’ng bakuna batok COVID-19 aron maproteksiyonan sa grabeng epekto niini.

 

 

Si Datu Benjamin Wabe Sr., 79 anyos, usa sa mga lideres sa IPs sector ug molupyo sa barangay Bayanga ang nakadawat na sa bakuna ug siya mismo ang naningkamot nga maaghat usab ang iyang mga kaubanan nga boluntaryong modawat sa COVID 19 vaccines.

 

Usa ang IP sector sa gitutokan sa CDO LGU nga malakip sa pagpamakuna.

 

Gani man, usa sa mga paningkamot sa syudad ang paghatud sa mobile vaccination sa kabrangayan aron mas mapasayon sa katawhan ang pagdawat sa maong bakuna.

 

Ang mobile vaccination ipahigayon alang sa mga nag-edad og 18 anyos above diha sa Tuburan covered court sa Nobyembre 9-10, sa Tumpagon covered court usab sa Nobyembre 19-20.

 

Samtang sa Tignapoloan Covered Court karong November 24- 26, 2021 ug Tagpangi Covered Court karong November 29-30. (NLB/CIO)