BISAN pa man ning pandemya, mas gihingusgan pa ang pagtabang sa City Social Welfare and Development Section sa mga mentally challenged clients.

 

Usa sa mga natabangan ang nadala sa National Center for Mental Health, Mandaluyong, Metro Manila human sa makuting admission process ug gidawat sa Pavilion 6 Female Psychiatric Ward sa usa ka mental hospital.

 

Mismo ang Center Social Worker sa Oro Dalampanan Shelter sa Lumbia nga si Rommel Tamse ug Ralph Rey Sungkip, RSW sa CSWD Oro Response and Processing Section ang personal nga miuban sa igsoon niini alang sa pag-atiman sa admission process.

 

Ang maong kliyente gi-refer sa CSWD ORPS niadtong Oktobre 28 human naobserbahan ang combative behavior niini.

 

Ang maong kliyente molupyo sa San Jose, Del Monte, Bulacan, Central Luzon Region.

 

Aron malikayan ang pagrabe sa mental health related concerns, pwede motawag sa mental helpline sa CSWD Psychosocial Division, 09758403585 sugod alas otso sa buntag hangtud alas singko sa hapon matag adlaw’ng Lunes hangtud Biyernes. (NLB/CIO)