Tuesday, 16 November 2021 09:00

Preskong utanon mapalit sa Centrio Mall matag adlaw

Written by
SUGOD kagahapong adlawa, matag adlaw na ang pagbaligya sa mga preskong utanon nga gitanum mismo sa Urban Container Household Gardening-KALIPI-Livelihood beneficiaries diha sa 2nd flr Olympic Village, Centrio Mall, ning siyudad.
 
Ang maong vegetable production project gitawag og 'AFI-Urban Container Household Gardening Project' nga gipundohan sa Ayala Foundation Inc. sa tinguha nga makamugna og food secure future alang adtong households ug communities pinaagi sa urban farming.
 
Ang mga baligyang utanon pesticide-free ug wala gigamitan sa synthetic fertilizer. Ang display molungtad hangtud Disyembre 30, ning tuig.
 
Ang maong programa hugot nga giabagan sa LGU-CDO pinaagi sa Agriculture Productivity Operations Office; City Social Welfare and Development-Livelihood Section ug CSWD-UCHG Section. (NLB/CIO)