NASAPON sa Regulatory Compliance Board (RCB) pinaagi sa monitoring ug inspection ang pipila ka mga establisemento dinhi sa dakbayan nga bukas gihapon ug gabaligya sa mga ilimnong makahubog atol sa oras sa curfew.

 

 

Ubos sa gabayan nga gipatuman sa lokal nga kagamhanan, gibawal ang pagbaligya, pagpalit, ug pag-inom sa ilimnong makahubog kon intoxicating drinks ilabi na diha sa mga pampublikong lugar sugod sa alas 11:00 sa gabii hangtod alas 4:00 sa buntag.

Atol sa maong operasyon, gisuta usab sa RCB kung ‘fully vaccinated’ na ang mga empleyado sa mga establisemento ug gipatuman ang 50% maximum capacity sa indoor areas ug 70% sa outdoor venues.

Ang mga establisemento ug indibidwal nga masapon nga nakalapas sa maong gabayan mahimong silotan sa mga otoridad ubos sa R.A. 11332 ug City Ordinance No. 13855 nga padayon gipatuman ubos sa Alert Level 2 status. (SPP/Photos by Reynan Baylin)