Gimandoan karon sa Department of Interior and Local Government (DILG) ang tanang local government units (LGUs) sa nasud nga subling ipadayon ang pagpatuman sa road clearing operation pinasikad sa Memorandum Circular No. 2021-125.

Basi sa maong kamanduan, full implementation ang clearing operation sa mga LGUs nga ubos sa Alert Level 1 & 2 ug sundon niini ang mga gabayan nga anaa sa MC 2020-127.

 

 

Gani man, bisan unsa pa ang Alert Level status sa usa ka LGU kinahanglan ipatuman ang road clearing activities sa gitumbok nga mga lugar diin adunay mga illegal structures, constructions ug obstructions.

Alayon niini, nangandam na karon ang Hapsay Dalan Task Force sa syudad pinangulohan ni Oliver Egypto pinaagi sa virtual meeting diin gihisgutan ang identified nga mga areas nga kinahanglan limpiyohan sa task force.

 

 

Gipahinumdoman usab ni Egypto ang mga punong barangay kalabot sa subling pagpatuman sa clearing operation sa ilang kabarangayan. (ALR/CIO) File Photos