GILUSAD niadtong Nobyembre 18 ang Smarter and Integrated Local Health Information System (SMILHIS) pinaagi sa Ateneo de Manila University – Institute of Philippine Culture inabagan sa Department of Science and Technology (DOST) dinhi ning syudad.

 

 

Ang Smarter and Integrated Local Health Information System kon SMILHIS usa ka technological program nga makatabang sa paspas ug mas sayon nga pagkolekta, pagpasa, ug pag-access sa mga health data sa matag hospital alang sa mas gipalambo nga serbisyo alang sa panlawas.

 

Pinaagi sa maong teknolohiya, dili lang ang Cagayan de Oro ang makabenepisyo sa paspas nga serbisyo sa mga hospital apan lakip usab ang mga residente sa mga kasikbit nga lugar tungod sa hiniusang sistema sa impormasyon nga hatod sa SMILHIS.

Atol sa pormal nga paglusad sa programa, gipasabot ni Mayor Oscar Moreno nga ang proyekto dakong kalambuan sa panlawas ilabi na nga suportado usab kini sa Universal Health Care Program diin gihimong pilot city ang dakbayan. (SPP/CIO)